Нæ районы «Ныхас»-ы хъæппæрисæй дыккаг хатт арæзт æрцыд æмбырд Веселæйы Культурæйы галуаны. Ардæм æрбацыдысты хъæуы цæрджытæ – нæлгоймæгтæ æмæ сылгоймæгтæ, стæй фæсивæд дæр. «Ныхас»-ы сæрдар Гаситы Зауыр бамбарын кодта адæмæн, абон сæ ныхасы сæр цæуыл уыдзæн, уый.
Фыццаг дзырды бар райста Дзоккаты Мухар. Уый йæ раныхасы загъта, цард æмæ фæлтæр кæй ивынц, æмæ махæн – хистæртæн – нæ хæс кæй у амонын кæстæртæн, нæ рагфыдæлтæй нын цы æгъдæуттæ баззад, уыдон æххæст кæнын, æрмæст сыл æфтаугæ цæмæй мауал кæнæм. Дзурæджы ныхæстыл сразы сты Дулаты Ав-рам, Хъулаты Майрæм, Къозаты Зæрæмæг, Саулохты Нодар, хъæусæветы сæрдар Дзебойты Коля æмæ иннæтæ. Афтæ сыл-гоймæгтæ дæр – Калоты Райсæ, Дулаты Тамарæ, Гадзаонты Л., Тебиаты Зæли, Бураты Венерæ.
Ныхасы сæр уыд, нæ зианы кæндтыты мах фæстаг рæстæджы кæй фæкæнæм æнахуыр митæ. Цыма ныл стыр цин æрцыд, ахæм дис-саджы фынгтæ равæрæм. Фæзынд нæм бирæ уæлдай, хи æрхъуыды-гонд хъуыддæгтæ. Зæгъæм: иутæ, æвæццæгæн, афтæ хъуыды кæнынц, мæ бон у, æмæ, мæ тыхст рæстæг мæм чи фæкаст, уы-донæн стыр лæвар скæнон. Уыцы митæ та нæ уыд нæ фыдæлтæм. Æмæ уæд мах цæмæн æфтауæм не гъдæуттыл уæлдай митæ?! Цы кæна, йæ бон уыдæттæ кæнын кæмæн нæу, уый та? Уый тыххæй адæм кæрæдзимæ зул цæстæй кæсынц, иуæй-иутæ та æргомæй фæзæгъынц, цы хабар у, уе стъол куы æрцæйсасти, зæгъгæ.
Нæ фыдæлтæ, кæмæн куыд йæ бон уыд, афтæ æххуыс кодтой кæрæдзийæн. Дыууиссæдзæм боны æхца ничи лæвæрдта, уæдæ бадæнты дæр стыр фынгтæ нæ арæзтой.
Æмбырды нæ хистæртæ æрцыдысты иу хатдзæгмæ – аппарын кæй хъæуы уыцы ног æрхъуыдыгонд митæ.
Чи зоны, æмæ, цæуыл дзурæм, уыдоныл бирæтæ не сразы уыд-зысты, фæлæ, цард куыд амоны, куыд хуыздæр æ... Читать дальше »

Ацы аз, августы, Лондоны цæудзæн Олимпиадæ, уыимæ бæхтыл дугътæй дæр. Уыцы стыр ерыстæм бацæттæ кæныны тыххæй арæзт цæуы Æппæтадæмон турнир. Йæ сæйраг нысан – Олимпиадæмæ спортсментæ равзарын. РЦИ – Аланийы Сæргълæу-уæджы кубокыл ерысы бацæудзысты Уæрæсейы иугонд командæйæ 30 адæймаджы, Белорусси æмæ æндæр регионтæй бæхылбадджытæ.
22 – 27 февралы сын зæрдиаг «æгасцуай» зæгъдзæн Иры-стоны зæхх. Ерыстæ ацæудзысты бæхты спортивон скъолайы За-воды поселочы. Нæ республикæйæ дзы архай-дзысты Байты За-уырбег, Андрей Митин æмæ иннæтæ.
Иннæ субъектты `хсæн нæ республикæйæн бар лæвæрд æрцыд, бæхты спортмæ аккаг æвæрæн бахæссыны, стæй ацы спорты хуызы не `мзæххонты уæлахизтæ нымайгæйæ, юбилейон турнир «троеборье» кæй хонынц, ахæм саразынæн.
(Во Владикавказе 22 – 27 февраля пройдет Международный турнир по конному спорту, цель которого – отбор спортсме-нов к Лондонской Олимпиаде-12 (в августе).

Зæрдæмæдзæугæ бакаст,
Нæртон кæстæр, æвзыгъд,
Бæллиццаг у дæ ахаст,
Дæ рæсугъд фæндаг – тыгъд.
Сыхбæстæ, фыдæн, мадæн –
Сæ амонд æмæ дин,
Æнæ дæу сын нæу адæн
Сæ цард æмæ сæ цин.
Дæ ахуыры ахъаззаг
Дæ къахдзæфты гæпп у,
Цæмæ бавналай – раззаг,
Ысуинаг, хорз лæппу.
Сæрæн - дæ куыст, дæ базмæлд,
Дæ ныхас – аккаг, барст,
Хæрзгойæ дардмæ азæлд
Дæ царды гыццыл «карст».
Ныфсджын хъуыдытæ – бирæ,
Бæрзæндтæм у дæ цыд.
Ысу бæзгæ фырт Ирæн,
Нæ Иры уæлдæр цыт!
(Успешный нарт).

ССÆРИБАРГÆНДЖЫТЫ КАДÆН

 

«…КÆД МÆ АБОН НÆ БАФÆРСИД»