Мæздæджы районы скъолаты ацыдысты предметон къуыритæ. Æрæджы дæр ма нæм ирон æвзаджы ахуыргæнæг зын ссарæн уыд. Ныр дыууиссæдзæй фылдæр сты, кусынц райдайæн кълæсты, Веселæйы бындурон æмæ Винограднæйы астæуккаг скъолаты та – хистæр кълæсты дæр. 15 маймæ, ирон æвзаг æмæ литературæйы боны кадæн, скъолаты сарæзтой ахуырдзауты æхсæн аивадон æмæ зонадон конкурстæ ирон аив дзырды дæснытæ, хуыздæр зарæггæнджытæ, нывгæнджытæ, кафджытæ, сценæйы дæснытæ рабæрæг кæныныл.
Ирон æгъдæуттæ цы скъолаты ахуыр кæнынц, уым дæр сæрмагондæй радзырдтой ирон æвзаджы истори æмæ йæ нырыккон ахадындзинады тыххæй. Афтæмæй Мæздæджы бирæнацион цæрджыты ирон культурæйы бындуртимæ ахуыргæнджытæ зонгæ кæнынц. Фæстæдæр къуырийы дæргъы та ацæудзысты æппæтрайонон мадзæлттæ ирон æвзаджы бæрæгбоны номыл.
(В честь празднования Дня осетинского языка и литературы).